Victor Gyokores
Tetesi mbalimbali kwenye ulimwengu wa soka kutoka vyanzo mbali mbali vya michezo duniani.
Manchester United wana na nia ya kumsajili kinda wa Ureno Geovany Quenda, Gyokeres bado anaweza kuwa mchezaji wa United, Wojciech Szczesny anatarajiwa kusaini mkataba mpya Barcelona.
Manchester United pia wameambiwa kuwa Sporting huenda hawana budi ila kumuuza mshambuliaji wa Uswidi Viktor Gyokeres, 26, lakini sio katika dirisha la uhamisho la Januari.
Manchester United wanajaribu kupata mkataba wa kumnunua winga wa Sporting mwenye umri wa miaka 17 Mreno Geovany Quenda.
Ruben Amorim
Barcelona wanafikiria kumpa kipa Wojciech Szczesny, 34, mkataba mpya wiki chache baada ya raia huyo wa Poland kujiunga na klabu hiyo.
Mkufunzi wa Aston Villa Unai Emery anaweza kuamua kumuuza mlinzi wa Brazil Diego Carlos mwenye umri wa miaka 31 mwezi Januari.
Winga wa Brazil Neymar anatazamiwa kurejea Santos huku klabu yake ya Saudi Arabia Al-Hilal ikifadhaishwa na matatizo ya jeraha ya mchezaji huyo mwenye umri wa miaka 32.
Kiungo wa kati wa Benfica na Uturuki Orkun Kokcu, 23, amesifu athari ambayo meneja wa Liverpool Arne Slot amekuwa nayo kwenye maisha yake ya soka huku kukiwa na uwezekano wa kuhamia Anfield.
Fulham wameingia kwenye kinyang'anyiro cha kumsajili mshambuliaji wa kimataifa wa Brazil Igor Jesus, 23, kutoka Botafogo .
Hakuna mpango wa Paul Pogba kufanya mazoezi katika klabu ya Manchester United baada ya kiungo huyo wa kati wa Ufaransa mwenye umri wa miaka 31 kuondoka Juventus.
Frank Lampard anatarajiwa kuwa miongoni mwa wagombea watano ambao Coventry City watazungumza nao kuhusu kibarua chao cha meneja kilicho wazi.